Programa finkatu bezain laster, ERAIKUNTZA SISTEMA desberdinak bilatzen hasi ginen interneten. Hasieran, egitura arinak genituen buruan, baina txikitako jokoak gogoratu eta umeentzako eraikuntza jostailuak begiratzen hasi ginen. Gure harridurarako uste baino gehiago eta interesgarriago dira adibideak:
Dado Cube
TomTecT
Lupo/SuperLupo
Muro pixel
Azken eredu hau, interesgarria iruditu zitzaigunez (montatzeko eta garraiatzeko erreztasunagatik batez ere) kartoi puskatxoekin proba ezberdinak egiten hasi ginen.
Hasieran pieza mota bakar bat geneukan (muro pixel-en originala):
Pieza honekin lortzen genuen estalkia, ordea, ez zen erabat egokia. Euri urak ez igarotzeko, erabat itxia izan behar baitu estalkiak, beraz, beste soluzio baten bila hasi ginen:
Aurreko pieza zertxobait luzatuz, haien artean geratzen ziren hutsuneak betetzea lortu genuen; baina orain beste arazo bat geneukan: pieza ortogonalak izanik, ez dute kurbaturarik onartzen.
Beraz, hirugarren piezaren helburua malgutasun puntu hori lortzea da:
Hirugarren saiakera honekin arazoa konpondu dugunez, hiru pieza hauen konbinaketa eta deribazio ezberdinekin eraikiko ditugu gure programak behar dituen estalkiak.
No hay comentarios:
Publicar un comentario